نبدا بسم الله ونجيب ريسبسيون نحط فيها حبة بيض كبيرة مع رشة ملح ونضيف كاس الاربع سكر ونخلط مليح ثم نضيف نصف كاس زيت ونواصل الخلط ثم نحط مبشور برتقال وم ص عطر البرتقال ونواصل الخلط

ثم نضيف كاس حليب ونخلط ونحط 2م ك نشاء ونواصل الخلط ثم نحط 2طاس فرينة و2م ك فرينة وكيس خميرة الحلوى ونخلط مليح

ثم نحط كمية من حبيبات الشكولا و فارميسال شكولاتة ونخلط مليح ثم نجيب مول موسكوتشو ندهنو بالزبدة ونرشو بالفرينة ونفرغ خليط الكيك

نشعل الفرن يسخن من قبل ثم نحط الموسكوتشو تطيب من تحت حتى تنشف ونشعل عليها من فوق تتحمر مليح ثم نخرج الموسكوتشو ونخليها حوالي 5د ونقلبها في صحن التقديم

فالاخير نزينها بشكولا الطلي وسكر ناعم