نبدا بسم الله ونجيب لحم خروف نقطعو قطع متوسطة نوعا ما ثم نجيب طنجرة نحط فيها 2م ك زيت ونحطها عالنار ثم نحط قطع اللحم ونقلبو مليح

نضيف عليه حبة بصل مرحية مع سنات ثوم ونقلي مليح ونحط ملح وكمون وفلفل اسود وراس الحانوت ونقلي مليح ثم نضيف عليه حبة طماطم مسكرفجة ونقلي جيدا

بعد ذلك نضيف م ك طماطم مصبرة ونحط كمية من الحمص ونقلي جيدا ثم نضيف كمية من الماء ونغلق عالطنجرة ونخلي الشطيطحة تطيب

بعد ماطابت نفتح الطنجرة ونخليها تتشرب المرق حتى تصبح ثقيلة نوعا ما ثم نطفي النار

فالاخير نجيب صحن التقديم ونحط شطيطحة لحم تاعي ونزينها بمعدنوس مقطع