نبدا بسم الله ونجيب حبات فلفل حلو وحبات فلفل حار تغسلهم مليح ثم نجيب سينية فرن نحط فيها الفلفل والطماطم وندهنهم بالزيت من كل الجوانب ونشعل الفرن يسخن مليح ثم نحط السينية ونخلي الفلفل يتشوا من كل الجوانب حتى يتحمر من كامل الجهات

بعد ما تشوى الفلفل نخرجو من الفرن ونقشرو مباشرة ونقشر حبات الطماطم كذلك ثم نجيب روح تقطيع ونقطع فالاول حبات الزيتون الاخضر الى قطع رقيقة جدا ثم نقطع الطماطم كذلك

نجيب مقلاة ونحط فيها الفلفل بعد ماقطعتو الى قطع ونضيف م ك زيت ونحط المقلاة عالنار ونخلي الفلفل يتقلى على نار هادئة ثم نضيف الملح والعكري الحلو و القليل من العكري الحار ثم نضيف الزيتون المقطع. نخلي الكل يتقلى مليح ثم نحط الطماطم

بعد ماطاب نطفي عليه النار ونحطو في صحن التقديم

فالاخير شكل الحميص الحار زينتو زيتون اسود جاء بزاف حار يقدم مع المشاوي او تغميس مع الاكل