في القدر نضع اللحم او الدجاج نضيف الملح الفلفل الاسود البصل الطماطم المرحية والمصبرة قطعة زبدة الحمص وفنجان ماء ونحطهم على نار قليلة جدا حتى يتقلى مليح ويذبل البصل والطماطم وتعقد لاصوص نمرق بالماء الساخن حتى يتغطى اللحم ونخلي اللحم حتى ينضج تماما نزيد قرن فلفل حار ونطفي

لشخشوحة ناخدها نحطها في إناء نضيف ليها فنجان زيت ونحططها في كسكاس تفور للمرة الاولى بعد ما تفور يطلع بخار نحسها رجعت طرية قليلا نحيها نحطها في الاناء تشيح

بعد ما تشيح نحطها في كسكاس تفور للمرة الثانية بعد ما يطلع البخار مليح نحيها ونحطها في إناء

ناخد كمية من مرق نضيف ليه قطعة صغيرة زبدة ونصف م ك طماطم نحطهم في كاسرول على نار حتى تتفتح الطماطم ونسقي بيها الشخشوخة ونقلب حتى يقيسها المرق كامل نخليها تتشرب المرق وتنشف ونرجعها تفور بعد مايطلع البخار وتفور نحبها نحطها في إناء تاع حديد

نجي لمرحلة تجمار نحط الاناء لي فيه شخشوخة على نار قليلة نصفي المرق فوق الشخشوخة بالتدريج ونقلب ونضيف قطعة زبدة ونقلب حتى تتشرب كامل المرق نقدمها مع اللحم من فوق والحمص وقطعة اللحم وشهية طيبة