نبدا بسم الله ونجيب رسبسيون نحط فيه كاس حليب وكاس ماء دافيين ونحط رشة فلفل اسود و2حبات بيض و3م ك زيت ونضيف كاس ونصف فرينة

نجيب برا ميكسار ونخلط الخليط مليح ثم نزيد نضيف الفرينة ونواصل الخلط الكل حطيت 2كاس الاربع فرينة

نصفي الخليط بصفاية ونضيفلو م ص ملح ومعدنوس مقطع رقيق جدا و نخليها ترتاح ثم نجيب نصف صدر دجاج نرحيه فالاشوار

نجيب مقلاة نحط فيها 2م م زيت ونحطها عالنار ثم نحط فيها بصلة مقطعة رقيق ونقليها مليح ثم نجيب حبة فلفل حلو وحبة فلفل حار اختياري

نقطع الفلفل رقيق ثم نضيف م ك طماطم مصبرة ثم نحط الفلفل المقطع رقيق

بعد مارحيت اللحم نضيفو فالمقلاة

نرجع نجيب 2حبات طماطم نقشرهم ونقطعهم مربعات صغار ثم نحط ملح وفلفل اسود وعكري حلو وزنجبيل وتابل دجاج ونخلط مليح

نضيف الطماطم على الخليط ونقلي مليح ونخلي الحشو يطيب مليح ثم نرجع الخليط بعد ما ترتاح نصف ساعة

نجيب كربيار ونخليه يسخن ثم نجيب غراف كبير ونفرغ فالكربيار ونجيب من جهة

كي تتحمر نقلبها عالجهة الاخرة حتى تطيب من جهتين

نكمل كامل الحبات بنفس الطريقة ونغطيهم بطرشونة

نجيب كمية مليحة من جبن مبشور ونطفي عالحشو يبرد ثم نحط اول عجينة طابت

نحط كمية من الجبن مبشور ثم نحط كمية من الحشو فالجنب ونحط. جبن طري

نغلق غالنصف ثم نغلق شكل مثلث ونضيف جبن مبشور

نحط م ك زبدة تذوب ونخلي الحبة تتحمر مليح من كلا الجانبين

نطيب كامل الحبات بنفس الطريقة

فالاخير نحط حبات ليكراب في صحن التقديم ونرش عليها معدنوس مقطع رقيق