نبدا بسم الله ونجيب رسبسيون نحط فيه 3بيضات مع رشة ملح وم ك فانيلا وكاس سكر ونخلط مليح حتى يذوب السكر

نضيف كاس زيت على شكل خيط ونواصل الخلط مليح ثم نضيف 2م ك معجون المشمس ونواصل الخلط

بعد ذلك نحط كاس الاربع نشاء مغربل ونخلط مليح ثم نبدا باضافة الفرينة تكون مغربلة من قبل مع 2كيس خميرة الحلوى

نخلط مليح ونقص كمية قليلة من الخليط ونضيف الفرينة الخليط الابيض ونلم العجينة

الخليط الثاني نضيفلو 2م ك كاكاو بني ونخلطو مليح ونضيف م ك فرينة ونلم العجينة البنية نحطها في كيس وندخلها المجمد

نرجع نجيب سينية فرن نحط فيها ورق طهي ونجيب العجينة البيضاء ونحلها على كامل السينية فوق نجيب باقي ملاعق المعجون المشمس وندهن سطح العجينة

نرجع نخرج العجينة الثانية ونجيب مبرشة خشينة ونبرش العجينة كاملة على سطح المعجون ثم نقص حبات الى قطع صغيرة ونحطها عشواييا من فوق وكذلك علبة شكولاتة بالحليب نقطعها رقيق ونحطها من فوق وضفت شكولاتة فارميسال لتعزيز الطعام ونشعل الفرن يسخن وندخل الحلوى تطيب مليح من تحت ثم نشعل لها من فوق تطيب ويتحمر هذاك الجوز

نخرج الحلوى من الفرن ونخليها تبرد ثم نقطعها الى مربعات

فالاخير شكل حلوى المبروشة جات بزاااااف خفيفة وذوق الشكولاتة والجوز عطاوها نكهة خاصة تقدم مع فطور الصباح او قهوة العصر والف صحة