نبدا بسم الله ونجيب 2حبات ليمون تغسلهم مليح ونبرشهم ثم نجيب كسرونة نحط فيها كاس الاربع سكر

نضيف كاس الاربع ماء للسكر ثم نضيف مبشور حبة ليمون عليهم ونحط الكسرونة عالنار وبعد ذلك نعصر حبات ليمون نضيف العصير تاعهم على الماء و السكر

نحط الكسرونة عالنار ونحسب 12د بعد الغليان ونطفي النار عليها

نصفي السيرو لي تحصلت عليه في كاس ونضيفلو قطرات من عطر الشوينڨوم الازرق ونحطو في كاس ونخبيه فالثلاجة

نحط حط كمية من الماء فالمجمد لي نتحصل على مكعبات الثلج و نخليهم حتى يجمدو نحط كمية من المشروب الازرق في صحن

نجيب كاس نغطسو فالعصير ثم فالسكر كتزيين راقي ثم نفرغ كمية من المشروب حسب الرغبة

ثم نضيف قطع من الليمون ثم مشروب غازي حلو دون ملون ثم شريحة ليمون

فالاخير شكل عصير المالديف او العصير الازرق يقدم بارد جاء بزاف هايل نتمنا تجربوه (حاولت نكمل التحدي بالرغم من اني فالمصيف في بيت ليس فيه كل الإمكانيات