نبدأ بسم الله ونجيب صدر دجاج نقطعو ايفيلي رقيق ثم نحط عليه ملح فقط ثم نجيب كاس ارز بسمتي نغسلو مليح ثم نحط في كسرونة كمية من الماء ونضيف عليها ملح وزنجبيل روزماري مطحون وكركم وتابل الأرز ونخلي الماء يغلي ونضيف عليه الأرز ونخليه يطيب

ثم نجيب حبة طماطم نرحيها ونضيفلها 3سنات ثوم مرحيين

نجيب مقلاة نحط فيها ثم ك زيت ونخليه يسخن ثم نحط شرائح صدور الدجاج يتقلاو ونجيب كسكاس ونصفي فيه الأرز ونبقا نقلب فلشرائح من الجهتين

حتى يتحمر الدجاج تاعي نحط. في صحن وفي نفس المقلاة نحط حبة الطماطم ونقليها مليح ثم نضيف فيها الأرز تاعي ونخليه يتشرب الصلصة

فالاخير نجيب صحن التقديم ونحط الأرز فوقها شرائح صدور الدجاج