نبدأ بسم الله ونجيب كسرونة نحط فيها كاس سكر و2كاس ماء ونحطها على النار ونضيفلو شريحة ليمون ثم نجيب ريسبسيون نحط حبة بيض

نحط حبة بيض ورشة ملح وم ص فانيلا ونصف كاس سكر ونخلط مليح ثم نضيف ربع كاس زيت ونواصل الخلط مليح

ثم نضيف نصف كاس حليب دافئ ونخلط ونحط بعد ذلك ما ك نشاء وم ك فرينة ونخلط مليح

بعد ذلك نجيب كاس سميد متوسط ونضيفو مع كيس خميرة الحلوى ونخلط مليح

نجيب المول الاسطوري وندهنو بالزبدة ونخلي الخليط يرتاح قليلا

نفرغ الخليط في المول ونكون شعرت الفرن من قبل ونحط المول يطيب من تحت حتى تنشف وتطيب من تحت نشعل لها من فوق تتحمر ونخرجها

ثم نجيب مباشرة الشاربات باردة ونفرغها مباشرة علبسبوسة تاعي

نخليها تتشرب ملح ونبرش عليها جوز مبروش