نبدأ بسم الله. نجيب ربع صدر دجاج نقطعو قطع صغيرة ونجيب 3حبات بيض نقطعها شرائح طوليا

ثم في مقلاة نحط كمية زيت ونحطها على النار كي تغلي نضيف البطاطا ونحط عليها ملح ونقليها حتى نكمل كامل البطاطا ثم نحطها في كسكاس ونضيف عليها ما ص توابل بطاطا مقلية ونخلطها مليح

ثم نرجع نحضر كريمة الجبن. نجيب كسرونة نحط فيها ما ك زبدة ونحطها على النار ونحط عليها ما ك فرينة او نشاء اختياري ونخلط مليح بالفوي اليدوي

نضيف كاس حليب تدريجيا ونخلط حتى تبدا تتكاثف ونحط 4م ك جبن طري ونخلط مليح ونطفي النار عليها ونوجد كمية من الجبن المبشور نضيفلو عليها حتى يذوب تماما بعد ذلك نفس المقلاة نقص الزيت منها ونحط قطع اللحم

نضيف على ملح وتابل دجاج وفلفل اسود وزنجبيل وعكري حلو ونضيف 2سنات ثوم مرحيين او ثوم بودرة اذا توفر ونخليه على نار متوسطة حتى يتقلى الدجاج ويتحمر مليح ثم نجيب مول زجاجي نحط فيه البطاطا ونحلها على كامل المول

نفرغ قطع الدجاج مباشرة عالبطاطا ونحبو عالسطح كامل ثم نفرغ مباشرة كريمة الجبن لازم نخليها خفيفة ونحط كمية مليحة من جبن مبشور ونخليها تبرد

نشعل الفرن من فوق فقط ونغطي المول بورق الطهي ونخلي الجبن يذوب تماما ويتحمر مليح ونخرجها

فالاخير شكل طبق الباستيشيو جات بزاف بنينة تقدرو تاكلوها هيك مباشرة او نخدم معاه ساندويتشات ونحضر هذا كحشو ونحطو داخل الساندويتش