نبدأ بسم الله ونجيب كسرونة نحط فيها 3كاس حليب مع 3م ك نشاء يكونو مملوئين مليح و3م ك سكر ونخلط بارد في بارد ونحطها فوق النار مع التحريك المستمر

كي تثقال الكريمة نطفي عليها النار ونضيفلها قطرة من عطر الفراولة ونخلط اللون مليح

نفرغ الخليط في صحن ونغطيه بورق شفاف وندخلو المجمد حتى تبرد الكريمة تماما

نرجع نحضر كريم شانتيه نجيب رسبسيون نحط فيه كاس كريم شانتيه مع سكر حليب ونبدا نخفق حتى تطلع وتثقال الكريمة

بعد ذلك نرجع الكريمة الاولى نخرجها من المجمد وقبل مانضيفها للكرام شانتيه نضربها بالخلاط الكهربائي ثم نضيفها تدريجيا على كريم شانتيه مع الخفق المستمر حتى نتحصل على كريمة قطنية بذوق الفراولة

نجيب 3علب بسكويت سادة ونجيب مول انا فالاول جبت مول زجاجي لكن ماساعدنيش فالعمل فغيرتو المول الاسطوري وجبت صحن حكيت فيه قهوة طايبة وباردة كما يمكن إستعمال النسكافيه مع الحليب لنقع البسكويت نحط البسكويت فالقهوة ومباشرة في المول نحط طبقة اولى

نحط بعد ذلك طبقة من الكريمة ثم نحط قطع من العنب الاخضر وقطع من النكتارين ثم نعاود نحط طبقة من البسكويت

بعد ذلك نحط طبقة ثانية من الكريمة ونسويها مليح ثم نحط قطع من المسكرات مقطعة رقيق انا حطيت جوز وبندق ثم نحط طبقة ثالثة من البسكويت ثم طبقة اخيرة من الكريمة ونسويها مليح بالكوبات وندخلها الثلاجة

نفس الطريقة خدمت بيها هدفي هذي العلبة الفردية ودخلتها الثلاجة حتى تبرد مليح ثم نحضر الڨناش تاعي

القناش نجيب كسرونة نحط فيها ربع كاس حليب مع ما ك زيت وم ك كريم شانتيه نخلطهم ونحطهم على النار كي يغلي نطفي النار ونضيف علبة شوكولاته بالحليب ونخلط مليح حتى تذوب الشوكولاتة ونفرغها بعد ماتدفى قليلا فوق التحلية ونرجعها الثلاجة تتماسك

نخرج التحلية من الثلاجة ونقطعها بسكين ونزينها بقوب من الشوكولاتة وشرائح من النكتارين

فالاخير شكل التحلية تاعي جات بزاف خفيفة نصيحة فقط حاولو تحضروها في مول يكون شكل مربع او مستطيل من اجل البسكويت انا اول مرة حضرتها في تطبيق زوووم حضرتها في مول مستطيل