نبدا بسم الله ونجيب كسرونة. نحط فيها 3كاس حليب مع 3م ك نشاء و3 م ك سكر ونخلط بارد في بارد ونحطها فوق النار تثقال

نضيف للكريمة عطر الفراولة ونخلط مليح ثم نفرغها في صحن نغطيه بورق شفاف وندخلو المجمد ونرجع نحضر كرام شانتي نحط كاس كرام شانتي مع كاس حليب

نخفق مليح حتى يثقال الخليط ونخرج الكريمة من المجمد ونخفقها قليلا بالخلاط ونضيفها على كرام شانتي ونواصل الخفق حتى نتحصل على كريمة ناعمة

جبت هذا البسكويت لي كان افضل بسكويت نحبو في وقت الطفولة ونجيب صحن نحط في كاس حليب نضيفلو م ك نسكافي ونخلط مليح

شكل حبة البسكويت تكون خشينة على ا بسكوت الشاي نغطس مباشرة حبة البسكويت فالحليب ونخرجها ونحطها فوق ورق الطهي ونجيب كيس حلواني ونحط كمية مليحة من الكريمة ونحط الكريمة فوق حبة البسكويت كما فالصورة ونخلي الوسط فارغ

عمرت الوسط بشكولا الطلي وغلقت كل حبة حبة اخرى بواسطة سباتيلا مسحت الجوانب مليح بالكريمة

اما باقي الحبات حشيت الوسط بقطع من معجون الفراولة وغلقت بنفس الطريقة ومررت الحبات في رقائق البسكويت (فييتين)

بعد ذلك نطلي من فوق بكمية من الكريمة وندخلهم الثلاجة يتماسكو

نرجع نحضر سوبر كرام نجيب كسرونة نحط فيها كاس الا ربع ماء وعلبة فلان ذوق الفراولة وم ك سكر ونحطها عالنار تغلي ونضيفلها م ص عطر الفراولة ونخلطها مليح كي تغلي نطفي النار

نفرغ سوبر كرام مباشرة فوق الكريمة ونخليها تبرد ونزينها بحبات كرز معلب

انا اخترت هذا البسكويت لاني كنت نحبو بزاف في صغري وكنت نغمسو في الحليب لكن اليوم حبيت نقدمو بطريقة جميلة وراقية