نبدأ بسم الله ونجيب رسبسيون نحط فيه كاس حليب دافئ او نقدرو نحط. نصف كاس ماء ونصف كاس حليب ونضيف ما ك سكر وم ك خميرة الخبز ممسوحة ونخلط مليح ونحط كاس فرينة ونخلط مليح

نحطها تختمر حوالى 10 دقيقة ثم نرجع بعد مافاتو 10 دقائق نضيف فالاول نصف كاس فرينة وم ص ملح

نخلط مليح ثم نضيف ربع كاس زيت ونلم العجينة حتى نكمل الفرينة

نتحصل على عجينة متماسكة نغطيها ونخليها تختمر

نرجع نحضر كريمة الجبن نجيب كسرونة نحط فيها نصف كريمة سائلة ونصف كاس حليب و2حبات جبن ورشة فلفل اسود ونخلط مليح وم ص نشاء ونخلط مليح على النار حتى يثقال الخليط ونطفي عليها النار

نجيب كذلك صلصلة طماطم كانت عندي جاهزة ورربع صدر دجاج نقطعو طوليا ونحطو في مقلاة نقليه مع الملح ورشة كركم ورشة فلفل اسود

نرجع العجينة بعد ما اختمرت نحطها على سطح العمل ونرش عليه الفرينة ونحل العجينة تاعي

نجيب سينة فرن ندهنها بالزيت مليح ونحط العجينة فيها ونسويها مليح ثم نقسم العجينة تاعي ال. قسمين متساويين ونثقبها مليح ثم نفرغ مباشرة كريمة الجبن عالجزء الاول

نحل كريمة الجبن مليح ثم نرجع نفرغ صلصة الطماطم عالجزء الاخر ثم نحط في الجزء الابيض صدر الدجاج المقلي وشرائح فلفل حار والجزء الاحمر نحط عليه كمية مليحة من جبن مبشور نبرشو رقيق والكمية الاخرى نبرشو خشين ونشعل الفرن من قبل يسخن مليح على درجة عالية

فالاخير شكل بيتزا ميكست بصلصتين ومقادير مضبوطة تخرجلكم سيينة وحدة جات بزاف هايلة وعجينة مقرمشة