نبدأ بسم الله ونجيب 500غ لحم مفروم ون ونوجد 2حبات بصل و3حبات طماطم تغسلهم مليح ومعدنوس ونقطعهم ونحطها فالاشوار نرحيهم

نفرغ الخليط بعد مارحيت ونصفيه من كل السوائل لي فيه ونضيفو مباشرة على اللحم ثم نضيف العكري والملح والفلفل الاسود وراس الحانوت وم ص طماطم مصبرة ونخلط مليح

نجيب صينية فرن نغطيه فالاول بورق المنيوم ثم بورق للطهي نفرغ خليط اللحم فيه

نخبز اللحم مليح ثم نشكلو خطوط دون قطعة كما في الصورة ثم نحط في باقي الصينية حبات الطماطم نقطعهم انصاف وفلفل حار واذا توفر حبات فلفل حلو ونرش عليه ملح وفلفل اسود ونشعل الفرن يسخن وندخل صينية الكباب تطيب اي تستوي على درجة حرارة 200د بعد مرور حوالى نصف ساعة نفتح الفرن ونتقفد الصينية اذا لقيت اللحم طاب نشعلو من فوق يتحمر

نخرج الصينية بعد ما حمرتها من فوق وتحمرت معي الخضروات ثم نقلي حبة بطاطا كبيرة فالزبت ونحطها بجوانب الخضار وبصل شرائح او سلطة بصل

بعد ذلك نجيب صحن التقديم ونحط صينية الكباب فيه ونحط الخضار المشوية على جنب والبطاطا المقلية فالجنب الاخر

قدمت صينية الكباب مع خبز ساندويتش وحضرت معه عصير المالديف وكان هذه وجبتي الغداء لنهار اليوم جاء بزاف بنين ويشهي