نبدأ بسم الله ونجيب البطاطا نقشرها مليح انا فالاول حطيت 2حبات فقط لكن من بعد زدت قشرت حبة اخرى غسلتهم مليح وقطعتهم قطع متوسطة فوق لوحة تقطيع حطيتهم في كسرونة واضفت عليهم كمية كافية من الماء والملح وحطيتها على النار تغلي حتى تطيب اي تستوي البطاطا

ثم حضرت كمية اللحم المفروم وقطعت الجزر قطع صغيرة مع الثوم والفلفل

بعد ماقطعت كل الخضار وحبة بصل كذلك جبت مقلاة وضعت فيها ما ك زيت وحطيتها على النار ثم وضعت فالاول البصل قليتو مليح ثم وضعت عليه باقي الخضار

وضعت عليهم ملح وفلفل اسود وراس الحانوت وعكري حلو وقليتهم مليح ثم ذوبت ما ص طماطم مصبرة في كاس ماء وضفتها في المقلاة وغطيت وخليتهم يطيبو وجبت مقلاة اخرى حطيتها على النار وحطيت ما ك زيت واضفت اللحم المفروم

قليتو مليح حطيت عليه ملح وتوابل اللحم وفلفل اسود وقليتو مليح ثم ضفت كاس آخر من الماء وخليتو يغلي ثم رجعت اللحم مع الخضار غطيت عليهم حتى يطيب الجزر مليح

بعد ماطابت البطاطا صفيتها من الماء وخلطتها بالباتور وحطيت علبة يارورت طبيعي بديل الكريمة السائلة ماكنتش متوفرة عندي وجبن قطع وصفار بيضة وبقيت نخفق مليح حتى. تحصلت على بطاطا ناعمة نغطيها ونخليها لحين يطيب اللحم والخضار

رجعت للحشو خليتو نشف تماما من المرق وحضرت مول زجاجي فردي وحطيت كمية في كل مول ثم وضعت البطاطا في كيس حلواني كما في الصورة

ثم عملت اشكال البطاطا فوق كل حشو كما موضح في الصورة وحطيت كمية من جبن مبشور من فوق ودخلتو الفرن يتحمر فقط

فالاخير شكل الطبق تاعي كتقديم راقي او نقدرو نطيبوه في مول زجاجي كبير وحضرت معاه عصير المالديف وكان هذا عشاءي لهذه الليلة