نبدا بسم الله ونجيب 3حبات بطاطا تكون كبيرة الحجم نغسلها ا مليح ونشفها ثم نحطها فوق ورق طهي ونجيب كمية من الزيت وفرشاة وندهن حبات البطاطا بالزيت مليح ثم نرش عليها ملح في كل قطعة من ورق الطهي نغلف حبة البطاطا مليح ونزيد نغلفها بورق المنيوم مليح حتى نكمل حبات البطاطا وتكون حسب أفراد العائلة

نجيب سينة فرن نحط فيها حبات البطاطا ونشعل الفرن يسخن مليح ونحطها تتشوا مدة ساعة ونصف وبعد مرور الوقت نخرجها وننزع ورق الالمنيوم ونفتح ورق الطهي

نجيب سكين ونعمل شق في منتصف حبات البطاطا وبملعقة او شوكة نمعس البطاطا اللي فالوسط و من كل الجانبين ونضيفلها زبدة وجبن طري ونخلطها مليح ثم نجيب كمية من بقايا لحم دجاج نقوم بتفتيته ونقوم بوضع الدجاج فالاول ثم الجزر ثم جبن موتزاريلا ونرجع البطاطا الفرن نشعللها من فوق

نرجع السينية الفرن ونشعللها من فوق يذوب الجبن فقط ونخرجها ونقدمها في صحن التقديم مع لحم مردوم فالفرن