نبدأ بسم الله ونجيب 4حبات بطاطا نقشرهم ونغسلهم مليح ثم نحطهم فوق لوح تقطيع ونقطعهم مربعات صغيرة ونحطها في كسرونة

نضيف كمية من الماء ونغطي البطاطا كاملة ونحط ما ص ملح ونحطها على النار ونخليها تطيب اي تستوي مليح ثم نجيب نصف صدر دجاج نقطعو شرائح ثم نقطعو شرائح طويلة مثل الشاورما

نحط اللحم في صحن ونضيف عليه التتبيلة ملح وفلفل اسود وزنجبيل وكركم وراس الحانوت وعكري حلو وم ص طماطم مصبرة ونصف كاس ماء وم ك خل او عصير ليمون ونبرش 3سنات ثوم فوقهم

نرجع البطاطا بعد ماطابت نصفيها من الماء ونرحيها مليح ونضيف عليها ما ك زبدة و3م ك جبن طري ونرحيها مليح حتى نتحصل على بيري ناعمة

بعد ذلك نجيب مقلاة نحطها على النار تسخن ونحط 2م ك زيت ونضيف اللحم ونقليه مليح حتى يتحمر من كل الجوانب ونحطو في صحن وفي نفس المقلاة نضيف نصف كاس من ماء البطاطا في المقلاة ونضيف حبة طماطم مرحية ونقلي مليح ثم نضيف 2م ك جبن طري نذوبو مليح ونخليه يغلي مليح كي يبدا يثقال نحط اللحم ونحط كمية من المعدنوس حتى نتحصل على كريمة ثقيلة نوعا ما

فالاخير نجيب صحن التقديم نحط فيها بيري البطاطا ثم نضيف كمية من الكريمة والدجاج في الوسط والكمية المتبقية من اللحم نحطها في صحن آخر