كيكة البركان(الكيكة لي عملت ضجة في مواقع التواصل الاجتماعي)
كيكة البركان(الكيكة لي عملت ضجة في مواقع التواصل الاجتماعي)
إفتح في تطبيق كوكبادالخطوات
- 1
نبدا بسم الله ونجيب رسبسيون نحط فيها 2بيض مع رشة ملح ونصف كاس سكر ونخلط مليح
- 2
ثم نضيف نصف كاس زيت ونواصل الخلط مليح ثم نجيب صفاية ونغربل الكاس الاول تاع الفرينة(طحين)
- 3
نحط كاس فرينة مع كيس ونصف خميرة الحلوى ونخلط مليح ثم نكمل نصف كاس فرينة مغربلة ثم 2 م ك كاكاو بني
- 4
نخلط مليح ثم نضيف م ك خل ونواصل الخلط و فالاخير نحط 2م ك ماء مغلي ونخلط جيدا
- 5
نجيب مول دائري قطره28س وندهنو بالزبدة. نرسم عليه الفرينة ونفرغ خليط الكيك داخله ثم نخليه على جنب ونحضر الكريمة في كسرونة نحط نصف لتر حليب مع 4م ك سكر و3م ك نشاء ونخلط بارد في بارد
- 6
نضيف نصف م ك عطر الليمون او عطر الموز ونخلط مليح ونحطها فوق النار حتى يثقل لكن يبقا خفيف قليلا
- 7
نفرغ الكريمة مباشرة فوق الكيك كما فالصورة ونشعل الفرن يسخن مسبقا وندخل الكيك تاعي يطيب من تحت حتى ينشف ويطيب مليح وتتجمع هذيك الكريمة فالوسط كفوهة بركان ثم نشعلو من فوق يتحمر قليلا ونخرجها ونخليه مدة نصف ساعة ثم نقوم بقلبه ونتركه يبرد تماما
- 8
بعد مابرد تماما نحضر صلصة الشكولا نحط علبة شكولا بالحليب تذوب على حمام مائي ونضيفلها م ك زبدة ونخلطها مليح ثم نزيدلها علبة دانيت شكولا نخلط مليح ونفرغها مباشرة فوق الكيكة ونزبنها يجوز مبروش وفينيت
- 9
فالاخير شكل الكيكة زينتها بحبات من الجوز فالجوانب ونخليها تبرد تماما لوقت تقطيعها وانا ضفتلها علبة دانيت شكولا حتى تبقا الصلصة سائلة وعند قطعها تسيح مثل فوهة البركان
- 10
شكل الكيكة بعد ماقسمتها وقدمتها مع القهوة
الكوكسناب
وصفات مشابهة
وصفات ننصحك بمشاهدتها
التعليقات (27)