نبدأ بسم الله ونحضر أولا الحشو نجيب حبة بصل صغيرة ونصف صدر دجاج وحبة فلفل حار اختياري وسنات ثوم نقوم برحي نصف صدر دجاج ونقطع البصل الى قطع صغيرة وكذلك الفلفل الحار يمكن تعويض الفلفل الحار بفلفل حلو الوان

ثم نجيب مقلاة نحط فيها 2م ك زيت ونحطها على النار ثم نضيف البصل ونخليه يتقلى مليح ثم نضيف نصف صدر دجاج

نقلي مليح ونضيف الملح والفلفل الاسود والزنجبيل والكركم وتوابل الدجاج والعكري الحلو ومعدنوس مقطع رقيق ونخلط مليح ونضيف ما ص طماطم مصبرة

نقلي الحشو مليح على نار هادئة حتى يطيب الدجاج

نرجع نحضر العجينة نجيب رسبسيون نحط فيها كاس سميد ناعم ونضيف فالاول كاس ماء مغلي ونجيب لبرا ميكسار ونخلط

ثم نضيف عليه كاس حليب بدرجة حرارة المطبخ ونميكسي الكل مليح ثم نحط ما ك خميرة الخبز وم ص سكر ونخلط بالفوي اليدوي

نخليها تختمر مدة 5 دقائق ثم نرجع نضيف عليها حبة بيض صغيرة ونصف كاس زيت ونخلط مليح

نضيف بعد ماخلطت مليح ونضيف رشة فلفل اسود ومعدنوس مقطع رقيق جداً ونخلط مليح

بعد ذلك نحط كاس فرينة (طحين)وكيس خميرة الحلوى ونخلط مع ما ص ملح

ثم نضيف الكأس الثاني ونخلط بعد ماخلطت نضيف كأس الماء الثاني لكن بدرجة حرارة المطبخ

حتى نتحصل على عجينة شبه سائلة ونغطيها بورق شفاف ونخليها تختمر مليح ثم نجيب صينية فرن ابعادها 27/37 ندهنها بالزبدة. نرشها بالفرينة

بعد ما اختمرت العجين نرجع نهبطلها الخمور

نقسم العجينة على قسمين متساويين ونفرغ القسم الاول فالسينية نسويه مليح ونترك المثل الاخر على جنب

نرجع نحط كمية الحشو فوق العجينة ونوزعو على كامل الصينية ثم نجيب جبن طري ونحط كما هو موضح في الصورة او اذا توفرت جبت شرائح نحط من فوق

نحط كمية من جبن مبشور ثم العجينة المتبقية نحطها في كيس حلواني ونقطعو ونفرغها فوق الحشو كما في الصورة

نوزع العجينة الثانية برفق فوق الحشو حتى نغطي كامل السطح ونشعل الفرن يسخن مليح ثم ندخل الصينية المرة الاولى مدة 12د فقط من تحت ثم نشعل لها من فوق تتماسك قليلا

نخرج الصينية بعد ماتماسكت قليلا من فوق ومرة 12د ونحط كمية مليحة من جبن مبشور ونزينها زيتون اسود وقطع من الطماطم ونرجع ندخل الفرن ونشعل عليها من تحت حتى تطهى مليح من تحت ونرجع نشعل لها من فوق تتحمر مليح

نخرج الصينية من الفرن وهذا شكلها ونخليها تبرد نوعا ما ونقسمها الى مربعات ونقدمها

فالاخير شكل المملحات جات بزاف خفيفة تقدم وحدها او مع حساء خضار او شربة