نبدا بسم الله ونجيب كأس ارز بسمتي نحط. في كسرونة ونغسلو مليح بالماء ثم نصفيه ونجيب نفس الكسرونة نحط فيها كمية من الماء نضيفلو م ص ملح ونحط حبة جزر نقطعها مربعات صغيرة جيدة

نجيب كيس جلبانة نضيف حوالي نصف كأس جلبانة ونخلطها مع الجزر

نحط الكسرونة عالنار حتى تبدا تغلي ونقص النار و نخليهم يطيبو خصوصا الجزر ثم نطفي النار ونصفيهم في كسكاس ونحطو فوق قدر فيه ماء يغلي ونخليهم يكملو طياب

بعد ماطابو نفرغهم في كسرونة واسعة ونخليهم يبردو ثم نضيف كمية مليحة من زيتون اخضر مقطع رقيق نخلط كلش مع بعض ثم نجيب كمية من الأرز لي راح نحضرها مع السلطة نحطها في صحن ونحط عليه كمية مليحة من المايونيز ونخلط مليح ونحط م ك خل ونخلط

نجيب صحن التقديم ونجيب سارسو دائري نحط فيه الأرز ونشكلها مليح ثم نقلبها مباشرة فالصحن ونزينها من فوق بزيتون اسود ونكمل باقي السلطة خضراء نقطعها رقيق ونبرش حبة جزر والقليل من الشمندر والخيار وشرائح من الطماطم

فالاخير شكل سلطة الماسيدوان المشكلة كنا يمكن إضافة ذرى وكذلك علبة تونة زيت (أنا لست من عشاق التونة)لهذا استغيت عنها فالسلطة