إفتح في تطبيق كوكبادالخطوات
- 1
نبدا بسم الله ونجيب حبة باذنجان نقشرها ثم نغسلها ونقطعها الى مربعات صغيرة
- 2
نجيب إناء به كمية من الماء نحط فيه م ص ملح ونضيف عليه الباذنجان المقطع لمدة 20د ثم نحضر بقدنوس نقطعو. رقيق مع سنات ثوم
- 3
نصفي الباذنجان فالكسكاس ونخليه يقطر ثم نجيب مقلاة نحط فيها 3م ك زيت ونحطها عالنار نضيف الباذنجان ونقص النار ونغطي المقلاة ونخلي الباذنجان يتقلى على نار هادئة
- 4
بعد ذلك نحضر المرق نجيب طنجرة نحط فيها قطع لحم وحبة بصل مرحية مع سنات ثوم وكميةمن البقدونس المقطع رقيق ونضيف ملح وبابربكا وفلفل اسود وزنجبيل وم ص نكون ونضيف 2م ك زيت ونحط الطنجرة عالنار ونقلي مليح ثم نضيف م ك طماطم مصبرة ونقلي الكل جيدا
- 5
نضيف كمية من الحمص المشمخ حسب الرغبة ونقلي الكل جيدا ثم نمرق بالماء ونغلق الطنجرة ونخلي اللحم يطيب مليح بعد مرور ساعة الاربع نفتح الطنجرة. ونضيف حبة فلفل حار ونخلي المرق يثقال مليح
- 6
نرجع نجيب ربع صدر دجاج نرحيه فالاشوار ونحط عليه معدنوس و2سنات ثوم مرحيين ونضيف كمية الباذنجان بعد ماطاب مليح ونضيف ملح وفلفل اسود وزنجبيل وبابربكا حلوة
- 7
نضيف 2م ك خبر مرحي (شابيلر) ونخلط اللحم مليح مع الباذنجان والخبز المرحي ثم نجيب صحن آخر نحط فيه كمية من الخبز وصحن فارغ نحط فيه البولات بعد مانشكلهم
- 8
نشكل اللحم الى كرات حتى نكمل كامل الكمية ثم نرمدها فالشابلير. ونحطها فالصحن
- 9
نجيب مقلاة نحط بها كمية من الزيت نخليها تسخن مليح وعلى نار متوسطة نقلي الكريات تاعي حتى يطيب الدجاج وتتحمر من كل الجوانب
- 10
نطفي النار ونحط كرات الباذنجان والدجاج فوق ورق ماص
- 11
نضيف كرات الباذنجان والدجاج عالمرق مدة 5 د فقط ونطفي النار عليها
- 12
نجيب صحن التقديم ونحط كرات الباذنجان والدجاج والحمص مع المرق ونزينها بمعدنوس مقطع وقطع اللحم
الكوكسناب
وصفات مشابهة
وصفات ننصحك بمشاهدتها
التعليقات (20)