نبدا بسم الله ونجيب كاس ارز إيطالي نحطو في صحن ونغسلو مليح ثم ننقعو فالماء ونخليه ومن جهة اخرى نحضر مرق دجاج لكن لاصوص حمراء نجيب طنجرة نحط فيه قطع دجاج ونضيف عليهم حبة بصل مرحية مع 2فص مرحي

نضيف الحمص والملح والفلفل الاسود والزنجبيل والبابريكا الحلوة ورشة بابريكا حارة اختياري و2م ك زيت ونحطها عالنار تتقلى مليح ثم نضيف م ك طماطم مصبرة ونقلي مليح

نمرق بقليل من الماء حتى تتقلى جيدا ثم نغطيها بكمية مليحة من الماء ونغلق الطنجرة ونخلي المرق يطيب ونرجع نحط في كسرونة 2كاس ماء مع م ص ملح وم ص كركم و رشة فلفل اسود ونخليه يغلي ثم نضيف كأس الأرز

بعد ماطاب الأرز نصفيه في كسكاس ونخليه لحين التقديم

نرجع المرق بعد ماطاب نخرج قطع الدجاج ونحمرهم في زيت ونجيب صحن التقديم مول شكل قلب سليكون نستف فيه الأرز ونسويه مليح بالملعقة ونقلبو فالصحن ثم نحط قطع الدجاج بعد ماحمرتهم

نحط قطع الدجاج في جانب الأرز ثم نجيب كمية من مرق الدجاج نفرغها فالوسط مع حبات من الحمص ثم نحط قطرات من المرق بالشكل الموجود بالصورة

فالاخير شكل الطبق تقديم راقي ولذيذ سهل التحضير