نبدا بسم الله ونجيب ربع صدر دجاج نقطعو قطع ونرحيه فالاشوار ثم نرجع نحط حبة باذنجان عالنار نشويها مليح ثم نحطها على لوح تقطيع ونقشرها ثم نقطعها بسكين حاد

نجيب اشوار نحط فيه اللحم ونضيف عليه الباذنجان المقطع ونضيف قليل من حبة البصل لي رحيتها قبل و2سنات ثوم ونرحي الكل مليح ثم نفرغ الخليط في صحن نضيف عليه 3م ك شابلير وبقدونس مقطعةونضيف ملح وفلفل اسود وراس الحانوت وبابريكا حلوة

نجيب طنجرة نحط فيها حبة البصل المرحية مع في ثوم مرحي وبقدونس مقطع ونضيف ملح وفلفل اسود وراس الحانوت وبابريكا حلوةوم ك زيت ونرجع للحم نقسمو على 2نصف نشكلو اصابع والنصف الاخر نشكلو كرات

نجيب مقلاة نحط فيها 3م ك زيت ونحطها عالنار ونخليها تسخن ونحط اصابع الدجاج تتقلى على نار متوسطة ونبقا نقلب فيها حتى تأخذ لون محمر ونقلي الكرات بنفس الطريقة

نرجع نحط الطنجرة على النار ونقلي البصل مليح ونضيف حبات قليلة من الزيتون نقلي الكل مليح ونرجع نضيف حوالي كاس ماء كي يغلي نضيف كرات الدجاج

نمرق الطنجرة بالماء ونغلق ونخليها تطيب مليح نرجع نحضر 4حبات بطاطا حجم كبير او 5 نغيرها ونقطعها الى مربعات ثم نجيب مول موسكوتشو نفرشو بورق طهي مشمخ بالماء حتى لا يلتصق الحشو

نقلي البطاطا في زيت غزير ونحطو في رسبسيون ونضيف عليه جبن مبشور وبقدونس مقطع و3حبات بيض

نضيف عالخليط رشة فلفل اسود وبابريكا حلوة وراس الحانوت ونخلط مليح ونقسم الخليط على 2نصف نحطو فالاسفل والنصف الاخر من فوق

نجيب مول الموسكوتشو لي فرشتو بورق طهي (ورق الطهي لازم مانقدرش نستغنى عليه)نحط الجزء الاول من البطاطا ونسويه مليح

نجيب اصابع الدجاج ونستفها فوق البطاطا كما فالصورة ثم نجيب حبات جبن مثلثات نقطعها فوق الاصابع ونفرغ باقي البطاطا ونسويها مليح ونكون شعلت الفرن من قبل يسخن ندخل المول من تحت حتى يتحمر ونشعلو من فوق

نقلب المول تاعي فوق سينية فرن وننزعلو ورق الطبخ برفق ونرجع نحطها من فوق تتحمر مليح ونخرجو ونرجع المرق نطفي عليه النار

نحط الموسكوتشو المالح في صحن التقديم ونخليه يبرد قليلا ونقطعو كما فالصورة ونحطو بالطريقة الموضحة ونحط فالوسط كمية من المرق وكرات الدجاج وحبات زيتون وزينتو بقدونس مقطع

فالاخير شكل طبق الموسكوتشو المالح جاء بزاف هايل ولذيذ فعلت يستاهل االضجة لي عملها في مواقع التواصل الاجتماعي انا اليوم طبختو على طريقتي ضفت حبة الباذنجان لخليط الدجاج