نبدا بسم الله ونجيب 200غ بسكويت بودوار ونرحيه فالاشوار ناعم جدا

نضيف م ك جبن طازج وم ك فرماج ريجيم و2م ك سكر ناعم نخلط جيدا ثم نضيف ملاعق القهوة

نلم البسكويت المرحي حتى نتحصل على عجينة طرية نلمها ونخليها ترتاح ونجيب رسبسيون آخر نحط فيه باقي علبة الجبن الطازجةوعلبة جبن ريجيم نصف كاس كريمة سائلة ندخلهم الثلاجة ونخلوهم يبردو تماما

نرجع نشكل عجينة البسكويت كرات حتى نكمل كامل العجينة

نرجع نفتح كل كرة ونحط فيها شكولا الطلي وحبات اخرى حطيت داخلها حبيبات شوكولاتة ونغلق جيدا ثم نجيب م ك كاكاو بني

نرمد الكرات فالكاكاو ونخليها لحين التقديم

نرجع نحضر الرسبسيون من الثلاجة ونخلطو قليلا ثم نضيف نصف كاس كرام شانتي ونخلط جيدا ثم نجيب فيرين لي راح نقدم فيها كرات التيراميسو

نجيب فيرين زجاجية ونحط كمية من الكريمة ثم نحط 4كرات تيراميسو في كل فيرين

والكمية المتبقية من الكريمة ضفتها في صحن وشكلت بالكيس الحلواني على شكل اوراق ونحط كرات التيراميسو من فوق ونزين الصحن بالكاكاو على شكل شوكة وملعقة ونزين من فوق برشات من الكاكاو البني

فالاخير شكل كرات التيراميسو فعلا وصفة تستاهل تكون ترند وصفة نهاية 2025