نبدا بسم الله ونجيب رسبسيون نحط فيه علبة ياؤورت طبيعي مع م ك موطارد ونخلط فيه ونضيف ملح وفلفل اسود وكركم وراس الحانوت و2سنات ثوم مرحيين ونحط الكويس يتمارينى

نخلط مليح ونغطيه بورق شفاف ونخليه فالثلاجة مدة 2سا

بعدومرور 2ساعة نجيب مول يدخل الفرن نفرغ فيه الدجاج ثم نجيب حبات بطاطا نقطعهم شرائح ونحطهم فالتتبيلة لي بقات

نضيف بقدونس مقطع البطاطا ونضيفاها كاس ماء ونخلط مليح ونرجع نحط البطاطا من أسفل ثوم نحط الكويس من فوق ونغلفو بورق طهي وورق المنيوم ونشعل الفرن يسخن وندخل المول الفرن ونخليه يطيب مدة 2سا

بعد ماطاب نشعل عليه من فوق ونخلي الدجاج يتحمر مليح ونجيب صحن التقديم نحط البطاطا على جنب ونحط الكويس على جنب ونفرغ كمية لاصوص المتبقية

فالاخير نزين الطبق بالبقدونس وشريحة ليمون