نبدا بسم الله ونجيب رسبسيون نحط فيه كاس ونصف حليب دافئ بعد ماضفت على الحليب م ك حل مع م ك سكر ومك ونصف خميرة الخبز ونخلط مليح ثم نضيف رياضة بيضة ونخلط مليح

نضيف بعد ذلك ربع كاس زيت و2م ك سميد ونحلط مليح ثم نبدا نضيف فالطحين تدريجيا وم ص ملح ونلم حتى نتحصل على عجينة طرية نغطيها بورق شفاف ونخليها تختمر

بعد ما اختمرت نهبطلها الخمور ونقسم العجينة على 3كرات نقطع الكرة الأولى إلى 6قطع صغيرة نشكلهم كرات ونخليهم يرتاحو مدة 5 د ثم نرجع نحل الكرة الأولى شكل بيضوي

نجيب سكين ونقطع 2خط في كل جهة ونلويهم كما موضح فالصورة ثم نعكس الخطوط ونغلق جيدا ونبقا بنفس الحرقة حتى نكمل كامل العجينة نجيب سيينات فرن نحط ورق الطهي ونحط قوارب العجينة ونخليهم يختمرو جيدا

نجيب صلصلة الطماطم لي كنت حضرتها ونقطع كمية مليحة من البقدونس

نبدا نعمر قوارب البيتزا بالصلصة ونحط كمية من البقدونس وزيتون اسود في كل حبة اما بقية العجينة صنعتها بيتزا كاري

نسخن الفرن مليح وندخل السينيات يطيبو من تحت ثم نشعللهم ينشفو من فوق ويذوب الجبن

فالاخير نخرجهم ونزينهم بخطوط من المايونيز وجبن مبشور