نبدا بسم الله ونجيب 2رسبسيون ونجيب 4بيض نفصل الصفار عن البياض نضيف عالبياض رشة ملح و3م ك سكر ونبدا نخفق بالخلاط الكهربائي

نخفق مليح حتى يثقال الخليط ونطفي ونخليه على جنب ونرجع الرسبسيون الاخر نحط فيه4صفار بيض ورشة ملح و3م ك سكر

نخلط مليح حتى يبياض الخليط ونضيف 3م ك زيت ونخلط و3م ك حليب دافئ ونخلط جيدا

بعد ذلك نبدا نضيف الفرينة و3م ك كاكاو بني مغربلين ونخلط مليح

نرجع نضيف كمية قليلة من البياض على خليط الصفار ونخلط من فوق لتحت ثم نضيف باقي البياض ونخلط مليح

نجيب سينية فرن مقاس 35/30نحط فيها ورق الطهي ونفرغ خليط الكيك ونسويه جيدا ثم نشعل الفرن يسخن وندخل السينية تطيب مدة 10د او 15لا أكثر ونخرجو ونخليه يبرد ثم نحطو فوق طرشونة ونلفو بورق الطهي ونخليه على جنب

نرجع نحضر كرام شانتي نحط في رسبسيون كاس شانتي وكاس ماء بارد ونخلط جيدا ثم نضيف م ك شكولاتة الطهي ونخلط جيدا

نرجع لكيك نفتحو مرة اخرى ونحط كمية من الشانتي نحلها على كامل البسكويت

ثم نحط كمية من المكسرات المفتتة وملاعق من التوفيا كرميل ونرجع نلف الحربوش مليح ثم ننزع ورق الطهي ونحط البسكويت على شباك حديدي ونجيب بقية الكريمة ونسويها مليح بالسباتيلا

نجيب بعد ذلك شوكة ونزين بيها الكريمة على شكل خطوط ثم نخلي كمية من الكريمة شانتي نضيفلها م ك شكولاتة الطلي لتعزيز اللون ثم نشكل وريدات بكيس حلواني كما فالصورة ونزينها يقطع شكولاتة سوداء وفالوسط مكسرات مفتتة شوكولاتة مبروشة وندخل السويسرول الثلاجة مدة ساعة يتماسك مليح

بعد ذلك نخرجو ونقطع الزائد ونقطعو كما فالصورة ونحطو في كيسات ورقية ونحط. في صحن التقديم

فالاخير شكل سويسرول شكولاتة جاء خفيف وهايل نقدمو مع عصير او شاربات كل هذي الوصفات نقدمها في بيت اختي في ولاية قالمة