نبدا بسم الله ونقطع حبة البطاطا الى مربعات صغيرة ثم نرحي نصف صدر الدجاج ونجيب مقلاة نحط فيها 2م ك زيت نحطها عالنار ونضيف عليها الدجاج يتقلى نضيف عليه ثوم مرحي وملح وفلفل اسود وبابريكا حلوة وراس الحانوت

نقلي الدجاج مليح ثم نضيف م ك طماطم مصبرة ونبقا نقلى حتى يطيب الدجاج نضيف عليه نصف كاس ماء ونخليه يطيب جيدا بعد ماطاب نعاود نرحيه مرة أخرى فالاشوار

نجيب مول زجاجي يدخل الفرن نحط فيه البطاطا بعد ماقليتها ونفرغ الدجاج بعد مارحيتو في صحن نقص منه كمية قليلة نحضر بيها الصلصة ونرجع الشفلور بعد ما غليتو فالماء والملح نصفيه في كسكاس

نجيب شوكة ونمعسو مليح حتى يصبح ناعم ونخلطو مع اللحم المرحي ونخلط مليح ونضيف بابريكا وبقدونس مقطع وملح و2م ك خبز مرحي ونخلط جيدا

نرجع الخليط نشكلو صبيعات بالعرض ونغمسهم فالفرينة ثم فالبيض ومن بعد فالخبز المرحي ونقليهم مباشرة في زيت ساخن يطيبو مليح ونحطها فوق ورق ماص ثم نرجع نحط. الصبيعات فوق البطاطا ونرجع نحضر الصلصة تاع الطماطم ونضيفلها كمية اللحم المرحي لي نقصتو قبل ونضيفلو قبل ما نضيف صبيعات الدجاج والشفلور

بعد ذلك نضيف كمية من الجبن المبشور من فوق ونغطيه بورق الطبخ ونشعل الفرن يسخن وندخلو يتحمر ويذوب الجبن تماما

فالاخير نخرجو ونقدمو كوجبة ساخنة للعشاء وصحتين وهناء