نبدأ بسم الله ونجيب كسرونة نحط فيها نصف لتر حليب مع 4م ك سكر و2م ك نشاء و2م ك كاكاو بني توعية جيدة وكيس فلان ذوق شوكولاتة ونخلط بارد في بارد ونحطها فوق النار ونحطها على النار ونخلط حتى يثقال

بعد ذلك نطفي النار ونضيف 50غ شوكولاتة سوداء ونخلط حتى تذوب مليح ونفرغها في صحن ونغطيها بورق شفاف ملامس وندخلها المجمد

نرجع نحضر العجينة نحط في رسبسيون 125غ زبدة و3م ك زيت وربع كاس سكر ناعم ورشة ملح ونخلط بالخلاط الكهربائي مليح

نضيف بعد ذلك حبة بيض ونصف كاس نشاء ونخلط مليح ثم نبدأ نضيف في الفرينة بالتدريج وم ص خميرة الحلوى حتى نتحصل على عجينة نلمها

نجيب مول خاص بالتارتولات ونبدا نشكل كرة في كل مول ونحلها مليح وننزع الزائد حتى نكمل كامل العجينة ثم نثقبها بشوكة في الوسط ونشعل الفرن يسخن وندخل التارتولات يطيبو من تحت ثم نشغللهم من فوق يأخذو لون ذهبي ونخرجهم ونخليهم يبردو تماما ثم ننزعهم من المول

نرجع الكريمة بعد ماجمدت نفرغها في رسبسيون ونخلطها بالخلاط الكهربائي ثم نطلع كاس شانتيه مع كاس ماء بارد

بعد ذلك نبدأ نضيف كريم شانتيه على الكريمة بالتدريج ونواصل الخلط حتى نتحصل على كريمة متماسكة وثقيلة

نرجع التارتولات نجيب كمية من صلصة الكرميل ونحط ما ك في كل مول ثم حبات من الفول السوداني في كل تارتولات حتى نكمل كامل الكمية ونرجع نجيب كيس الحلواني ونحط فيه الكريمة ونشكل وردات كما موضح في الصورة

فالاخير نكمل كامل الكمية ونزينهم بلوز ايفيلي محمص

فالاخير شكل تارتولات سنيكرز جات بزاف هشة ولذيذة