نبدأ بسم الله ونجيب حبات البطاطا نقشرها ونغسلها ونقطعها مربعات ونجيب كسرونة. نحط فيها ماء وملح ونحط البطاطا نخليه تغلي حتى تطيب اي تستوي مليح ثم نصفي الماء ونترك القليل جداً منه ونرحي البطاطا بالخلاط الكهربائي وهيا ساخنة

نضيفلها زبدة وجبن ونواصل الرحي حتى تصبح ناعمة ثم نجيب مول زجاجي ندهنو بالزبدة ونفرغ البطاطا بيري نسويها مليح ثم نجيب كمية الدجاج

نحضر الصلصة طماطم نرحي 2حبات طماطم نضيفلهم ملح وفلفل اسود وبابريكا حلوة وزنجبيل و2فص صغير ثوم نحطها في مقلاة ونضيفلها ما ص طماطم مصبرة ونخليها تطيب اي تستوي جيداً ثم نطفي عليها النار

نرجع لنصف صدر دجاج نرحيه ثم نحط في مقلاة ما ك زيت ونحطها على النار ونضيف نصف حبة بصل مرحية رقيق ونضيف عليها الدجاج المرحي ونقلي مليح ثم نحط التوابل والملح نخلي الدجاج يطيب

بعد ماطاب الدجاج جيداً نضيفلو بقدونس مقطع ونطفي عليه النار ونفرغه في صحن يبرد

نرجع المول الزجاجي نفرغ فوق البطاطا كمية اللحم ونوزعو على كامل السطح ثم نفرغ فوقها صلصة الطماطم ونزعها جيداً ثم نحط كمية. جيدة من جبن مبشور نغطي المول بورق طهي وورق المنيوم ونشعل الفرن يسخن مسبقا وندخل المول

بعد ماشعلت عليها من تحت نشعل من فوق ونخلي الجبن يذوب تماما ثم نخرجها ونزينها بشرائح زيتون اخضر

فالاخير شكل الطبق النهائي قدمته كوجبة للعشاء