نبدا بسم الله ونجيب كسرونة واسعة نحط فيها التتبيلة لي دايما نحضرها لتحمير الدجاج نحط طماطم وفلفل اسود وزنجبيل وتوابل دجاج وزنجبيل مع م ك موطارد وم ك خل ابيض وم ك زيت وملح ونخلط مليح التوابل من بعض

نضيف قطع الدجاج داخل التتبيلة ونخلطهم جيدا ثم نغطي عليهم بورق شفاف ونخليهم من ساعة واكثر

بعد ذلك نجيب كسرونة نحط فيها ماء مع ملح ونجيب حبات البطاطا نقطعها مربعات ونحط البطاطا تغلي فالماء حتى تنضج جيدا نرجع الدجاج نجيب مول زجاجي نحط فيه قطع الدجاج وبقية التتبيلة نضيفلها حوالي كاس الاربع ماء ونخلطها مليح ونفرغها فوق الدجاج

ثم نجيب 2فص ثوم نقطعو شرائح ونحطو من فوق ونغلف المول بورق طبخ مبلل ثم نضيف ورق المنيوم من فوق ونشعل الفرن يسخن جيدا وندخل المول الفرن ونخليه ينضج حوالي ساعة

بعد مانضجت البطاطا نصفيها من الماء ونحط عليها م ك جبن طري وم ك زبدة

نجيب الخلاط الكهربائي ونخلط مليح حتى نتحصل على بيري ناعمة جدا

نرجع الدجاج بعد ماطاب من أسفل نشعل عليه يتحمر من فوق جيدا ونخرجو ونخليه يبرد ونجيب صحن تقديم وكيس حلواني نحط فيه اي نوع من قمع تزيبن ونحط كمية البطاطا ونشكلها كما فالصورة ثم نفرغ كويس الزجاج على جنب وكمية المرق

والكمية المتبقية من البطاطا شكلها بالطريقة الثانية وحطيت فوقها قطعة صدر الدجاج المحمرة وكمية مرق على جنب

فالاخير شكل الطبق النهائي وكنا يقولون انا العين تأكل قبل الفم ومع قدوم شهر رمضان الفضيل يجب تقديم الأطباق بطريقة راقية ودائما هذي هيا التتبيلة التي اعتمدها في تحضير الدجاج المحمر فلفرن