نبدأ بسم الله ونجيب 500غ عجينة مورقة نقطعها على نصفين ونبدا نرش سطح العمل بالفرينة ونحب الجزء الاول بالحلال ونحطو في سينة فرن ونثقبها بالشوكة جيداً

نجيب صلصة طماطم جاهزة ونقطع بقدونس وزيتون لخضر مقطع شرائح ونحضر كمية من لحم مفروم في مقلاة نتبلو بملح وفلفل اسود وتوابل لحم و2 فص ثوم ونقليه جيداً ثم نطفي عليه النار بعد ما ينضج

نحط كمية من الصلصة فوق العجينة

ثم نحط كمية من اللحم المفروم وزيتون اخضر مقطع شرائح وبقدونس مقطع رقيق ثم نحط كمية من الجبن الطري على كامل العجينة

نفتح الطبقة الثانية بنفس الطريقة ونحملها بالحلال ونحطها مباشرة فوق الحشو ونغلق الجوانب جيداً ونخلط حبة بيض جيداً ونقطع إلى مربعات ثم ندهن الكوكا بالبيض جيداً ونزينها بشرائح من زيتون اسود ونشعل الفرن يسخن مليح وندخل كوكا العجينة المورقة تطيب اي تستوي من تحت ثم نشعل عليها تنضج من فوق حتى تأخذ اللون الذهبي

نخرج الكوكا من الفرن بعد ماطابت وتحمرت مليح نقطعها الى مربعات ونحطها في صحن التقديم

فالاخير شكل كوكا بالعجينة المورقة وحطيتلكم فيديو لطاولة الافطار ل2يوم من رمضان