نبدأ بسم الله ونجيب رسبسيون نحط فيه كاس ماء دافئ مع نصف كاس حليب دافئ ثم نضيف ما ك سكر وم ك خميرة الخبز

نخليهم مع بعض ثم نضيف بياض بيضة ونحتفظ بالصفار ثم ربع كاس زيت ونخلط الكل جيداً

نبدأ نضيف الفرينة مع ما ص ملح ونلم العجينة ثم نضيف ما ك زبدة ندخلها جيداً فالعجين. حتى نتحصل على عجينة طرية نوعا ما نغطيها ونخليها تختمر

بعد الاختمار نرش سطح العمل بالفرينة ونحل العجينة على شكل مستطيل ثم نجيب صلصة طماطم جاهزة

نحضر الحشو مسبقا نجيب مقلاة نحط فيها 2م ك زيت ونحطها على النار ثم نقطع نصف صدر دجاج إلى مربعات ونضيف الدجاج على البصل ونحط عليهم ملح وفلفل اسود وتوابل دجاج ونقلي جيداً حتى يطيب الدجاج ثم نضيف بقدونس مقطع ثم نحط كمية من الحشو بعد مابرد تماما فوق صلصة الطماطم ثم كمية من الجبن المبشور

نغلق العجينة كما في الصورة ثم نغلق الجهة الاخرى جيداً ثم نقص حبات تكون متساوية

نحط الحبات في صينية فرن مدهونة بالزيت وندهن الحبات بصفار البيض ونرش عليهم سينوج (حبة البركة) وجلجلان ابيض ونخليهم يختمرو مجددا ثم نشعل الفرن يسخن وندخل المملحلات يطيبو من تحت ثم نشعل عليهم من فوق يتحمرو جيداً ونخرجهم

فالاخير شكل المملحات بعد ما خرجتهم من الفرن قدمتهم مع حساء الخضار