في وعاء نضع الماء الدافئ + خميرة الخبز + العسل (أو السكر) + 3 ملاعق سميد.
نخلط مليح ونغطي ونخليها تتفاعل.

بعد ما تتفاعل، نحرك الخليط ثم نضيف الملح و4 كؤوس سميد.
نخلط ونلم العجين بإضافة كأس ماء دافئ حتى نتحصل على عجينة متماسكة.

نغطي العجين ونخليه يختمر حتى يتضاعف حجمه.

بعد التخمير، ندلك العجين مليح (أقل من 10 دقائق) بدون إضافة ماء حتى تولي ملساء.

نبدأ نضيف الماء تدريجياً (قطرات فقط):
نعجن وندلك العجينة حتى تشرب الماء، ثم نزيد الماء ونعاود نفس العملية حتى نكمل (نصف كأس ماء دافئ).

حتى نتحصل على عجينة طرية، ملساء وتلصق شوية،كي نحط يدنا فوق العجينة تبان تلصق، لكن كي نرفد يدنا ما تبقاش العجينة لاصقة في يدنا.

نشكل كريات صغار، نحطهم في صينية مدهونة بالزيت، وندهنهم بالزيت ونغطيهم.

ندهن السطح بالزيت ونبدأ نحل بعض كرات العجينة نغطيهم ونبدأ نقلي باول وحدة حليتها.

نقلي في زيت غزير وعلى نار متوسطة (ما يكونش سخون بزاف):
كي نحط السفنج مباشرة نبدأ نرمي عليه الزيت من الفوق باش ينتفخ ويطلع وياخذ اللون.
كي يتحمر نقلبه وبصحتكم.