إفتح في تطبيق كوكبادالخطوات
- 1
اول شي بنسلق ورق الملفوف
- 2
بنعمل الحشوة تاعت الملفوف لعادي وهي رز ولحمة وبصلة ناعم وملح والبهارات تاعتها وبنخلطهم منيح
- 3
بنبلش نحشي ورق الملفوف بنرص بقاع الطنجرة ورق ملفوف الي مابدنا نستخدمو الي تمزع معنا او صغير وشرحات ليمون وبنرتب الورق الي لفيناه وبنحط بين كل طبقة وطبقة توم مشرح شرحات
- 4
بس نخلص بنضغطو بصحن حتى يضل كل حبة بحبتها مايفرط بنجيب مي مغلية بندوب فيها الماجي وكمون وملح وبنحط عالملفوف غماره مو اكتر وعنار متوسطة
- 5
بس يقرب يستوي بنحط عصير ليمونتين وزيت زيتون بنخلطهم سوا وعالوجه يغلي غلوتين وطفيه وقدميه بالهنا
- 6
الملفوف الدايت: بنقلب بصلة بمعلقة زيت زيتون وبس تدبل بنضيف اللحمة وبنقلب وبنحط ملح وفلفل اسود بعدين بنشوح معها معلقتين الصلصة بعدين ابندورة المفرومة ومنشوح منيح بعدين البهارات بعدين البرغل متل ماهو بس منغسلو اول
- 7
بنقلب تقليبتين بعدين بنحط البقدونس والكزبرة والشبت وبنقلب تقليبة ومنطفي وبنبلش نحشي الورق ونرصهم بطنجرة بقاعها ورق ملفوف وشرحات ليمون وبنحط بين الطبقات توم ونفس الشي منضغطهم بصحن وبنحطلهم مي مغلية وكمون وملح بدون ماجي
- 8
بنحطو عالنار بس يقرب يستوي منضيفلو معلقة زيت زيتون وعصير ليمون
- 9
طبعا طريقة الملفوف الدايت مو من اختراعي بصراحة هي عطريقة الشيف اخصائية التغذية سالي فؤاد
الكوكسناب
وصفات مشابهة
وصفات ننصحك بمشاهدتها
التعليقات