اول حاجة نفتح الفرن يسخن علي درجة ١٨٠

نحط الدقيق ع النشا و البيكنج بودر و ننخلهم مرتين تلاتة

نضرب السكر و البيض و الفانيللا والهل لغاية ما يتقل جدا...ثم نضيف الماء و نضرب

نضيف الدقيق بالتدريج معلقتين معلقتين و نقلب بمعلقة خشب من تحت لفوق بالتدريج لغاية ما يتجانس تماما..نصب الخليط ف صينية مقاس ٢٤ مدهون سمن و مرشوش دقيق....انا عاملة نصف المقادير ببيضتين بس و عملاها ف قالب الكيك المستطيل...و تدخل الفرن و منفتحش عليها خالص قبل نص ساعة بعد كده نراقبها لغاية ما تستوي

لما نطلعها نقلبها علي فوطة لغاية ما تبرد تماما بعدين نقطعها شريحتين او ٣ حسب ارتفاعها و نشيل الاطراف الناشفة

نبدا نسقي كل شريحة بشربات خفيف او اي عصير او كمبوت و ندهنه طبقة كريمة انا هنا استعملت كريمة خفق بودرة...و نرص الطبقات فوق بعض و نغطي الوش بالكريمة و نذوقها حسب الرغبة ثم تدخل التلاجة حتي وقت التقديم و بالهنا و الشفا