نبدا بسم الله ونحط بياض البيض بدرجة حرارة المطبخ مع رشة ملح ونخلط قليلا حتى نتحصل على رغوة ثم نبدا نضيف السكر تدريجيا مع مواصلة الخلط

نبقا نخلط ونضيف نشاء الذرة والفانيلا مع عصير الليمون ونواصل الخلط حتى نتحصل على ميرانغ ثقيلة

نجيب سينية فرن نحط ورق الطهي ثم نعمر الميرانغ في كيس حلواني مع قمع الحلويات

نشكل وردات كما فالصورة حتى نكمل كامل الميرانغ ثم بمساعدة ملعقة صغيرة نشكل فتحة وندخل سينة الفرن تطيب في فرن مسخن على درجة حرارة 120د نحط السينة فالرف العلوي تماما ونخلي الميرانغ يطيب مدة 1سا ومانفتحش عليه الفرن

ثم نحضر الكريمة نخفق الدريم ويب مع الماء جيدا حتى نتحصل على كريمة ثم نحضر المشمش والخوخ والفراولة ثم نخرج حبات الميرانغ ونخليهم يبردو تماما ثم نعمر الكريمة في كيس حلواني ونحط كمية قليلة فالوسط

بعد ذلك نقطع الفواكه الى قطع صغيرة ثم نحط كمية من الفاكهة في كل حبة

حتى نكمل كامل الحبات ثم نشكل وردات فوق كل حبة ثم نزين حبات البافلوفا بانصاف الفراولة وانصاف المشمش

فالاخير شكل حلوى البافلوفا جات بزاف هايلة تقدم مع العصائر كما تقدم في حفلات النجاح مع العصير