نخلط التوابل والثوم والزعيترة والمعدنوس وعصير الليمون والرند مع التونة ونخلطهم مليح ونغطيهم وندخلهم الثلاجة يتشربو التتبيلة حوالي ساعتين(يمكن اضافة توابل ليمون عوض عصير الليمون)

نقشر البطاطا نقطعها ونديرها فماء وخل شوية ثم نقليها شوية برك ونحيها منخليهاش طيب مليح ونخليها فوق ورق طبخ حتى نكمل كل الكمية ونعاود نقليها للمرة الثانية حتى طيب مليح ونديرلها توابل بطاطا

نأخذ طاجين او شواية ندهنها بشوية شحمة باه ميلصقش السمك (الجمر يكون شاعل مليح) ونخليه حوالي دقيقة ونصف الى دقيقتين ونقلبو يزيد يطيب الجهة الثانية ونحيه (واذا حبينا الصلصة كي نحيه ندير شوية ماء ونفرغها فوق التون) ونقدمو مع البطاطا وسلطة وليمون