أولا نقوم بتتبيل الدجاج ليلة كاملة من قبل برحي البصل والثوم ونضيف الطماطم المصبرة والتوابل والملح ثم نضيف الخل والرند والماء ونخلطهم ثم نعمل ثقوب فالدجاج ونتبلو مليح ونخليه ليلة كاملة.

نحضر العجينة نخلط السميد والملح ثم نضيف الزيت ونضيف الماء تدريجيا حتى نتحصل على عجينة طرية وتغطيها. و تخليها ترتاح قيس ما نوجد المرق.

نقلي الدجاج جيداً ثم نضيف البصل المرحي والطماطم المرحية ونقلي مليح ثم نضيف الثوم والطماطم المصبرة والحمص ونزيد نرحي حبة لفت ونضيفها ونقليهم مليح على نار متوسطة ثم نمرق بالماء ونضيف اللفت والكوسا مقطعة حسب الرغبة ثم نتركه حتى يطيب. ننزع الدجاج وندهنه بالزبدة ونضعه في الفرن ليتحمر.

نعود إلى العجينة نشكلها كريات ونتركها ترتاح حوالى عشر دقائق.

بالاستعانة بالزيت نفتح الكريات رقيقة قليلا ونطيبها في طاجين على نار متوسطة نطيبها من الجهتين.

عندما تبرد نقوم بتفتيت الشخشوخة بالمقص أو باليدين أنا أفضل استعمال اليدين نقطعها قطع متوسطة الحجم.

في طبق التقديم نضع الشخشوخة وتفرغ فوقها المرق ثم تزينها بالحمص والخضروات. و شهية طيبة