نبدا بسم الله ونحضر قطع لحمة حسب أفراد العائلة نضعه في كسرونة واسعة ونقوم بتتبيله جيدا نحط عليه ملح وفلفل اسود وبابريكا حلوة وم ص هريسة وخردل وم ك طماطم مصبرة وتوابل اللحم وبصلة نقطعها مربعات و4فص ثوم مرحيين ونخلط المكونات جيدا مع قطع اللحم و نخليهم مدة 2ساعة حتى يتشربو التتبيلة جيدا ثم نجيب قدر صغط نحط فيه قطع اللحمة دون مانضيف الماء ونغلق الطنجرة ونحطها على نار هادئة مدة ساعة ونصف

نرجع البطاطا نغسلها جيدا ونقطعها إلى مربعات صغيرة نحطها في كسرونة واسعة ونضيف عليها الماء والملح وورقة رند ورشة فلفل اسود و نخليها تغلي حتى تنضج تماما بعد ماطابت نرحيها بالباتور وهيا سخونة ثم نضيف لها 2م ك زبدة

ثم نحط عليها 8حبات جبن مثلثات ونرحي ونضيف الحليب اذا كنت حابة البطاطا تجيني خفيفة

بعد ذلك نفرغ البطاطا في لابوش ونزينها في صحن التقديم ونخرج قطع اللحمة بعد ماطابو مليح ونحطهم على جنب الصحن ونزين ببقدونس مقطع رقيق وكمية الصلصة المتحصل عليها من اللحم نسقسي بيها فوق اللحم

فالاخير شكل الطبق تاعي جاء اللحم بزاف بنين ويذوب فالفم وبيري جات خفيفة رشيت عليها بقدونس مقطع واثناء الاكل نحط عليه قليل من لاصوص