في الاول اعملي الشربات عشان يبرد شوية حطي السكر مع الماء ع النار

لما يغلي ضيفي ١/٢ ليمونه وسيبيه لحد مايتقل شويه وبعد ماتطفي عليه حطي الفانيليا

قشري التفاح وقطعيه شرائح متوسطة

في طاسة تيفال حطي معلقتين السكر وعليهم شوية ماء واستني لما السكر يدوب ويتكرمل

ثم ضيفي التفاح وقلبيه وعليه القرفة وقلبيه بشويش لحد مايطرى

بعدين هاتي صينية ادهنيها زيت وابدئي رص الجلاش وبين كل طبقتين ادهني سمن بالفرشاة

لما توصلي نص كمية الجلاش حطي التفاح ووزعيه كويس وكملي باقي طبقات الجلاش

بعد ماتخلصي تقطعي الجلاش وتدهني وشه بالسمن ودخليه الفرن

اول مايخرج اسقيه بالشربات وغطيه لحد مايبرد

يمكن استبدال التفاح بالتمر بس وقتها قللي السكر وانتي بتكرمليه وزودي الماء شويه عشان يطرى. وبألف هنا