اول حاجة العجينه⏪ نجيب بولة واسعه و نضيف فيها كل المواد الجافة مع بعض و نقلبهم بعدين نضيف الزيت و نجانس المكونات كويس بعدين نضيف الزبادي و البيضه و نعجن بعدين نبدأ نحط المياه الدافية شوية شوية لغاية ما تتماسك و ايدينا تبقي نضيفة مكان العجن نعجنها لمدة 10 دقايق متواصلين لو هنعجن بايدينا لو بالعجان 6 دقايق كفاية بعدين نغطيها بسترتش بلاستيك و نحطها في مكان دافئ و نسيبها تتخمر ساعه.

طريقة صلصة الوجه⏪نغلي مياه و نحط فيها الطماطم زي ما هي 5 دقائق و بعد كده نطلعها علي مياه مثلجه فورا هنلاقي الفشرة انفصلت عن الطماطم و اتقشرت بسهولة نجيب بقي الكبة و نحط فيها الطماطم و التوابل و الثوم بدون اضافة اي سوائل عشان يبقي ليها قوام حلو و نضربها في الكبة لغاية ما تبقي بيوريه كده و دي كده تبقي جاهزة للدهن عالوش ((ولا اسهل من كده و الله دي كانت عقدتي حقيقي الصلصة دي))

باقي مكياج البيتزا بقي⏪😂😂😂 بصي حسب اللي موجود في البيت بواقي علبة تونه عندك بواقي لحمه عصاج بواقي سجق او حتي بوافي فراخ تشوحيها بحبه بصل و رشة ملح و فلفل و اتكلي علي الله مش هياخد باله انها بواقي هياكله دراعهم وراها و الله 😂😂و طبعا طماطم حلقات و فلفل رومي حلقات و بصل حلقات..((بصي بقي خلي الحلقات رقيقة خالص عشان الحاجات دي تستوي علي طول و تدخل مع الصلصه كده هتبقي أطعم))

تكوني مسخنه الفرن علي درجة حرارة 220 قبلها و بعدين تدخلي البيتزا عالرف في الوسط ربع ساعه و تبقي تبصي عليها و بعدين تضيفي الجبن قبل ما تطليها من الفرن ب 5 دقايق و بالف هنا و شفا علي قلبكوا 😍😘❤