إفتح في تطبيق كوكبادالخطوات
- 1
نص كيلوا فراخ بانيه تتقطع شرائح ونحط عليها ربع كوب زيت زيتون وبصله شرائح رفيعه وخمس فصوص ثوم مروسين ومعلقة خل صغيره وليمونه كبيره وملح وفلفل وسنة قرفه رشة بابريكا نصف معلقه صغيره مسترده ومعلقة زبادي كبيره وتتبلي بيهم الفراخ وتسيبيها بالخلطه ثلاث ساعات او ساعتين ثم توضع علي النار بخلطتها تطيب علي نار وسط لحد ما تنشف.
- 2
الارز. عباره عن بصله مقطعه صغير تتشوح في نصف كوب زيت زيتون ولما تقارب الاصفرار ننزل باربع او خمس فصوص ثوم مهروسين ثم ننزل علي طول بالارز ونضع اثنين مكعب من مرقة الخضار وكوب ونصف ماء وثلث معلقه صغيره فلفل اسمر بجد الفلفل بيكون رائع وعلي الهادي وبالف هنا
- 3
العيش اما تحمصيه في الفرن او تحمريه في الزيت حسب الرغبه ولما يخرج تضعي عليه شوية كمون وقرفه وملح وفلفل وتسيبيه بيبقي جنان
- 4
الصوص عباره عن اربع ملاعق كبار زبادي ثلاث ملاعق كبار مايونيز اربع فصوص ثوم مهروسين ليمون ملح فلفل شطه
- 5
الفته. في الاخر بنضع العيش المحمص ثم الارز ثم الفراخ ثم الصوص (يمي يمي)
وصفات مشابهة
وصفات ننصحك بمشاهدتها
التعليقات