نغسل الباذنجان الاول قبل ما نقطعه وننشفها كويس (بعد ما نقطعه منجبش عليه مياه خالص)

ثم نقطعه تخين اكتر من الوسط (دي اهم تركه علشان ميجلدش وينشف) لازم يتقطع تخين

ومش بنحط ملح نهائي (عايزه يفضل محتفظ بمياته علشان مينسفش منك)

ثم نسخن القلايه لمده ٢ دقيقة علي درجة حرارة ٢٠٠ درجة

ثم نضع ورق زبده تحت الشبكه وندهن الشبكة زيت ونوزعها بالفرشه السيليكون

ثم نرس الباذنجان ونرشة بالزيت اسبراي او بالزيت الزيتون وندهن بالفرشه

ونشغل القلايه علي درجة حرارة ٢٠٠ درجه لمدة ١٠ دقايق او لحد ما يتحمر وفي نص الوقت نفتح ونشوفها (ولازم درجة حرارة ٢٠٠ علشان لو اقل هتنشف منك)

ثم نقلبها علي الناحية التانيه ونرش زيت بردو لحد ما يتحمر

وممكن كمان نضع فلفل رومي معها ونغرسها بالسكينه بيبقي تحفه مبيخدش وقت خالص يعني اما تيجي نقلب الباذنجان نضع الفلفل الرومي وقتها بيكون وجميل عجبني خالص

واول ما يستوي تطلعها ونرش عليه ملح ورشة فلفل اسود وبالف هنا