ننقع الجريش بموية دافية لمدة ساعتين او اكثر المهم يكون منقوع لفترة

ننقع الرز المصري بمويةدافيه فترة بسيطة

نجيب قدر كبير يستوعب كمية الجريش ونحمس البصل مع الزبدة ثم نضيف له الكمون والماجي وبعده نضيف له الجريش والرز المصري ونحركه شوي بعدين نحط عليه موية ويكون على نار هاديه الين يبدا يغلي نحط اللبن عليه ونستمر نحركه ونقصر على النار الين ينتفش ويصير ناعم ونلاحظ انه استوى نطفي عنه النار واحط الجبن عليه واخلطه

خلصنا من الجريش نبدا نسوي الكشنة نجيب قدر صغير ونقطع حبتين بصل قطع صغيرة مع زيت والليمون الاسود المطحون وشوية ملح الين يتحمر البصل ونجيب صحن نحط فيه جريش والكشنه فوقه وبالعافية 💖💖