ضعي الماء على النار الين تغلي بعدين اضيفي السكر وذوبي في الماء بعدين اضيفي المستكه وذوبيها تمام بعدين اضيفي السميد بالتدريج مع التقليب المستمر والنار منخفضه عشان مايلصق السميد ولا ينحرق..

لمن يتقل الخليط حق السميد ويشرب كل المويا اضيفي الجبنه وماء الزهر وقلبي تمام الين تسير الخلطه مطاطيه اغلقي النار..

جيبي كيس نايلون وحطي عليه شيره وشيلي كميه من الخليط وحطي فوق الكيس وغطي بكيس تاني وافردي بالفراده حقت العجينه الين يسير معاكي شكل مستطيل ومايكون مره رفيع سمكو كويس..

سوي خلطة القشطه اخلطي قشطة القيمر مع القشطة العاديه وقلبيهم تمام..

شيلي الكيس اللي فوق الخليط وضعي كميه من القشطه وابداي لفي الخليط بالكيس رولات ٣ لفات او لفتين حسب الشكل اللي تبغي وكرري الين تنتهي من الخليط غطي الرولات وخليها في الفريزر لمدة ساعتين..

بعد ساعتين خرجيها وقطعيها قطع متساويه وسقيها بالشيره ورشي عليها الفستق وبالعافيه..