إفتح في تطبيق كوكبادالخطوات
- 1
اول شي اكيد نضفي السمك من جوا وبرا منيح وبعدين شرحي الظهر بس خفيف مشان تاخد النكهة
- 2
هلا دقي التوم تقريبا 6 سنون والفلفل الحار قرن واحد او نص قرن وحطيهم عسمك وحطي نص ملعقة صغيرة فلفل اسود وملح وشوية كمون ربع او نص معلقة صغيرة وعصير حبة ليمون وبهار السمك والقرفة وتبلي السمك فيهم منيح من جوا وبرا واتركيهم ينقعو تقريبا ساعه او اكتر
- 3
هلا اعملي الحشوة افرمي البقدونس وفلفل حار حسب الرغبة و تومه وشوية صغيرة جوز قلب خلي الحبة وسط مو ناعم وحطي ملح وليمون عليها وخليها حامضه اطيب مممم والشطه واكيد كل شي حسب كم بدك تعملي وحسب حجم السمكه وهيكا 🤗
- 4
هلا احشي السمك من جوا احشيه منيح لانو زاكية كتير الحشوة وحطي السمكه بالصينية وحطي عليها كاسة مي او نص كاسه وبعدين قصدريها وحطيها بالفرن على حرارة وسط يعني 200 او اقل حسب فرنك وتركيها من 30 - 45 دقيقة
- 5
هلا لحتى تكون استوت السمكة بتعملي الصوص بتحطي بخلاط بندورة شي حبتين كبار وشوية كزبرة خضرا و تومه 3 سنون وليمون حبة وملح و فلفل حار قرن واحد بكفي وفلفل اسود رشة وشوية كمون ربع معلقة صغيرة اخلطيهم علخلاط وشوفي ملحهم وحموضتهم كيف وبعد ماتستوي السمكة ديري الصوص علوجه وحمريها بالفرن
- 6
والف صحه وهنا جربوها مابتندمو انا مابحب السمك غير هيك 😋😋😋
وصفات مشابهة
وصفات ننصحك بمشاهدتها
التعليقات