بنضف الدجاج جيدا من جوة وبرة وما بنشيل الجلد بنضف الدجاج من تحت الجلد وبنفركه بالملح حتى تزول كل الشوائب وبطن الجلدة كمان كل العوالق بتروح مع الفرك بالملح وبنغسله بوعاء فيه ما وخل وملح وطحين وبنفركه جيدا من الداخل والخارج وبعدين بنغسله بوعاء فيه ماء بس

هلأ بنكون مجهزين خطلة الدجاج بنخلط كل المكونات مع بعض وبندهن الدجاج فيهم من جوة ومن برة وبنترك الدجاج عالأقل 3 ساعات بالخلطة

هلأ بنحضر الحشوة بنقلب البصل بشوية زيت وبنضيف اللحمة المفرومة او الكبدة حسب الرغبة وممكن نستغني عنهم عادي ونحط بس رز لحاله بس تتشوح البصلة وتستوي اللحمة او الكبدة بنضيف الرز والقليل من الماء بنخلي الرز بس نص استوى

بس يمرق عالدجاج 3 ساعات نقع بالخلطة بنبلش نحشيه بالأرز فقط القليل من الارز داخل الدجاجة تقريبا ١/٣ تجويف الدجاجة فقط وبنسكر الدجاجة من بين الوركين بعود اسنان او بإبرة وخيط أنا سكرتها بعود اسنان عادي ما تبالغي في التسكير ما رح يطلع الأرز منها

هلأ بنبلش نحضر المندي بنجيب صينية كبيرة اللي نقدر نعمل فيها 4 كاسات رز بسمتي وبنقلب فيها البصل المفروم ناعم بالزيت وبس يذبل بنضيف الثوم وبس يذبل بنضيف الأرز وبنقلبهم وبنضيف البهارات والماجي والماء والملح وبنسكر الصينية بقصدير وبنخزق القصدير بالشوكة

الآن بنحضر شبك مناسب لحجم الصينية نثبته فوق صينية أرز المندي ونضع الدجاج المحشي فوق الشبك وبنغطي الدجاج بالقصدير جيدا بحيث ما نخلي فراغ بين الشبك والصينية حتى لا تطلع الحرارة ونضمن استواء الدجاج بالوقت المحدد

بندخل الصينية الفرن عدرجة حرارة متوسطة تقريبا لمدة ساعة ونص وبعدين بنكشف عالدجاج وبندهنه بالفرشاية بالزيت وبنحمره

خلال ما تكون الصينية بالفرن بكون جهزت الفحم عالغاز اول ما تجهز الصينية بحط فحمة بصحن وبحط الصحن بنص صينية الأرز وبحط معلقة زيت صغيرة فوقها وبسكر الصينية سريعا حتى يوخد الأرز نكهة الفحم ونفس الشي بعمل مع الدجاج بحط الفحمة التانية بنفس الطريقة بين الدجاج وبحط زيت عليها وبغكي الدجاج سريعا حتى يوخد نكهة الفحم وبنقدم الدجاج فوق الأرز وبزينه بالممكسرات والزبيب وصحة وهنا رهيب كتير بنصحكم تجربوها الحكي كتير بس التطبيق سهل