في زبديه عميقه نضع الزبادي والحليب والزيت والملح نقلبهم تمام الين يسير عندنا خليط بعدين نضع خليط الخميره المذاب في الماء ونحرك بعدين نضع البيكنج باودر ونستمر في التحريك بعدها نضع الدقيق ونبدا نعجن الين نحصل على عجينه متماسكه ولينه نضع على وجهها زيت زيتون ونغطيها ونحطها في مكان دافيء تتخمر لمدة ساعه..

الين تتخمر العجينه نجهز الحشوه نخلط جميع المقادير مع الدجاج المفروم تمام ونكورها لكور متوسطة الحجم ونغطيها ونحطها في التلاجه تتماسك الين وقت الشوي..

اخلطي الكتشب والمايونيز والتوم والليمون والبابريكا مع بعض عشان تكون صوص للبرقر..

بعد ماتتخمر العجينه كوريها كور متوسطة الحجم ادهني وجهها بيض ورشي سمسم ودخليها الفرن تستوي من تحت ثم من فوق وخرجيها وغطيها بمنشفه عشان تبقى لينه..

جيبي صاج وحمي على النار وجيبي كور مفرومة الدجاج وحطيها واضغطي عليها بالملعقه الين تسير معاكي المفرومة مدوره ومفروده تمام وحمريها من الجهتين لمن تقلبيها على الجهه التانيه حطي الجبنه فوقها وخليها تسيح معاها..

جيبي ساندوتش العجينه وافتحي من الجنب حطي الصوص اللي سوينا من اول وحطي البرقر وفوقها صوص وبعدين الخس وكملي لبقية الساندوتشات وبالعافيه..