إفتح في تطبيق كوكبادالخطوات
- 1
نحتاج مضرب الk أو السلك اليدوي
- 2
نضع الزبدة الذايبه
- 3
الـــزيـــــــت
- 4
بالنسبه للحليب السايل اذا ما كان عندك حليب سايل استبدليه بالحليب البودرة, الكاس تحطين فيه 3 ملاعق كبار حليب بودرة وحطي نص الكاس مويه عاديه والنص الباقي مويه حاره عشان يصير دافي, وباقي نص حطي ملعقة كبيرة ونص حليب بودره ونفس الشيء حطي ربع الكاس مويه عاديه والربع الثاني مويه حارة او اذا كان عندك المقاييس استخدميهم افضل واسهل..يله نكمل
- 5
نحط الحليب
- 6
السكر والفانيلا
- 7
والخميرة
- 8
الزبــادي ونخلطهم
- 9
نضيف المقادير الجافه الدريم ويب والبكنج البودر والملح ونخلطهم
- 10
بعدين نضيف الدقيق ونحميه بالمايكرويف انا اول شيء حطيت 3 كيسان دقيق وشوف شكلها تحتاج دقيق
- 11
رحت حميت 2 كاس دقيق زيادة وحطيتهم بالتدريج لما زانت ممكن تحتاجون اكثر على حسب نوع الدقيق
- 12
طبعا كما خليتوها تعجن اكثر بتصير ازين
- 13
معليش على الخط الأسود الموجود بالصورة المهم تقريبا كذا صارت زينه مو لازم تصير مره ما تلزق عادي لو صارت تلزق شوي لانه اذا جيتي تسوين بتحطين دقيق على المكان اللي راح تحطين فيه العجينه
- 14
بعدين رحت شلت العجينه وحطيت تحتها دقيق ثمن خفستها باصبعي لان امي تقول كذا يساعدها على الانتفاش بس لا تخفسونها مره وتخلينها تخمر نص ساعه انا حميت الفرن لما صار حار وطفيته وغطيت العجينه وحطيت داخل الفرن بيز وحطيت فوقه العجينه وصكيته وخليتها تخمر بس انتبهوا لا يصير حار مره عشان ما يميع ولا شيء
- 15
المهم بس نسيت اصور لكم إياها بعد ما خمرت
- 16
الحين ننتقل للحشوه انا خليت الزبدة برا الباقيه مني وجبت وحدة ثانيه غيرها تصير زي كذا ماتصير سايله تصير كنها جبن
- 17
بالنسبه للحشوة انتم حطوا أي شيء مو لازم مقدار محدد قدروا انا قعدت اكبكب من كل شيء لما صارت لي هذي الكميه بس يقولون اذا صار السكر بني كثير يصير ألذ بس كيفكم
- 18
نحط دقيق ونحط العجينه ونفردها
- 19
وندهنها بالزبدة
- 20
- 21
ونرش الحشوه على حسب الرغبه اذا تبينها كثيره شويه
- 22
ونلفها طبعا انا اذا لفيتها يمديني امددها اكثر شوفوا وش طولها عكس اذا صارت قبل افردها وترجع نفس شكلها لازم وانتم تفردون ترصون بقوة عشان تنفرد
- 23
ونقطعها بالسكين او بالخيط, واستمروا بنفس الطريقة حتى تخلص العجينه
- 24
هذا من زاوية اخرى
- 25
ونحطها بالصينية
- 26
وندخلها الفرن انا دخلتها في الشوايه وحطيت على 250 اعلى شيء بس تختلف حرارة الشوايه عن الفرن الفرن اقوى ف للي بيستخدم الفرن تقريبا يحط يمكن 160 المهم انا قعدت معي اقل من 10 دقائق طبعا اول شيء من تحت ثمن من فوق
- 27
وحطيتها بحافظة عشان ماتيبس.. طعمها لذيذ وكذا خلصنا....
- 28
بس والله تعبت وانا اكتب الوصفة طويله المهم ان شاء الله تنال اعجابــكم..(:
- 29
والســـلام عـليـــكم ورحـــمـة الـلـــه وبــركــاتـه
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات